உடல் ஆரோக்கியத்துக்கு அவசியமான எளிய பழக்கங்கள்

இன்றைய காலத்தில் உடற்பயிற்சி செய்வதற்கு நேரம் ஒதுக்குவது பலருக்கு சிரமமாக உள்ளது. ஆனால், சில எளிய பழக்கங்களை தினசரி வாழ்க்கையில் கடைபிடித்தால் உடலை ஆரோக்கியமாக வைத்துக்கொள்ள முடியும்.

மருத்துவ நிபுணர்கள் கூறுவதன்படி, தினமும் குறைந்தது 30 நிமிடங்கள் நடந்தால் உடல் எடை கட்டுப்பாட்டில் இருக்கும் மட்டுமல்லாமல் இதய நோய் அபாயமும் குறையும்.

தண்ணீர் அருந்துவது உடல் நலம் பேணுவதற்கான முக்கிய காரணிகளில் ஒன்றாகும். ஒரு நாளைக்கு குறைந்தது 8 கப் தண்ணீர் குடிப்பது உடலில் உள்ள நச்சுக்களை வெளியேற்ற உதவுகிறது.

அதேபோல் அதிகமாக வெளியே வாங்கிய உணவுகளைத் தவிர்த்து, காய்கறி, பழம், புரதம் நிறைந்த உணவுகளை அதிகப்படுத்துவது உடல்நலனுக்கு அவசியம்.

உடல் ஆரோக்கியத்துடன், மன ஆரோக்கியமும் முக்கியம். அதற்காக யோகா மற்றும் தியானம் பயிற்சி செய்வது மன அழுத்தத்தை குறைக்க உதவுகிறது.

இரவு குறைந்தது 7 மணி நேரம் தூக்கம் பெறும் பழக்கமும் உடலை சுறுசுறுப்பாக வைத்திருக்க உதவும் என்று மருத்துவர்கள் வலியுறுத்துகின்றனர்.

இவ்வாறு எளிமையான பழக்கங்களைத் தொடர்ச்சியாக கடைபிடிப்பதன் மூலம் உடல் ஆரோக்கியத்தையும், வாழ்க்கை தரத்தையும் மேம்படுத்திக் கொள்ளலாம் என நிபுணர்கள் தெரிவிக்கின்றனர்.